ഇവക്കുട്ടിയുടെ വിശേഷങ്ങൾ

ഏപ്രിൽ 14 , ഞങ്ങളുടെ ഇവക്കുഞ്ഞു മാമ്മോദിസ സ്വീകരിച്ചട്ടു ഒരു വർഷം ആകുന്നു. സെഹിയോനിൽ വർക്ക് ചെയുന്ന ഒരു ബ്രദർ ആയി ഒരിക്കൽ സംസാരിച്ചപ്പോൾ കിട്ടിയ ചില ചിന്തകൾ ആണ് ഇവക്കുട്ടിയുടെ ബാപ്റ്റിസം തീയതി എല്ലാ വർഷവും ഓർത്തു വെച്ച് കുഞ്ഞൂസിനെ പള്ളിയിൽ കൊണ്ടോകണം എന്ന് തീരുമാനിച്ചതും ഈ പോസ്റ്റ് എഴുതാനും കാരണം. എൻ്റെ ഒക്കെ മാമ്മോദിസാ തിയതി എന്നാണാവോ..ഡിസംബർ മാസം ആണെന്നു പണ്ട് കുടുംബ രജിസ്റ്ററിൽ കണ്ട ഒരു ഓർമ. ഇതൊന്നും ബർത്ത് ഡേ പോലെ ഓർത്തിരിക്കണം എന്നു ആരും പറഞ്ഞു കേട്ടിട്ടില്ല. അതോണ്ട് മാമ്മോദിസാ കണക്കു നോക്കീ പോയിട്ടുമില്ല. എൻ്റെ ഒക്കെ പ്രായം ഉള്ളൊരു ആർക്കേലും മാമ്മോദിസാ തീയതി ഒക്കെ അറിയുമോ ആവോ...അറിയുന്നോരൊക്കെ ഉണ്ടാകുമായിരിക്കും അല്ലെ. "ഒരു കൊച്ചു ജനിക്കുന്നത് അമ്മയുടെ ഉദരത്തിൽ ആണ്.. അതാണേൽ എപ്പോൾ ആണെന്നു ദൈവം തമ്പുരാനെ അറിയൂ. പിന്നെ ആ കുഞ്ഞു ആദ്യമായി ഈ ലോകം കണ്ട ദിവസം ബർത്ത് ഡേ ആയി നിങ്ങൾ ആഘോഷിക്കുന്നു. ശരിക്കും മാമ്മോദിസയിൽ വീണ്ടും ജനിച്ച ദിവസമേ അല്ലെ ഓർക്കേണ്ടതും ആഘോഷിക്കേണ്ടതും". അങ്ങനെ ഒരിക്കൽ ഒരു ബ്രദർ ചോദിച്ച ചോദ്യം ആണ് ഇവക്കുട്ടിക്ക് വലുതാകുമ്പോൾ അവളുടെ മാമ്മോദിസാ തിയതി പറഞ്ഞു

ജനുവരി 27 , ഞങ്ങളുടെ ഇവക്കുട്ടിയെ ദൈവം ഞങ്ങൾക്കു തന്നിട്ടു ഒരു വർഷം ആകുന്നു. ഈ സംഭവങ്ങൾ ഒക്കെ നമ്മുടെ കയ്യിൽ ഒതുങ്ങുന്നെ അല്ലാത്തതുകൊണ്ട് ഒരു വർഷം എന്നു പറയണേ ശരി അല്ല. അവൾ എൻ്റെ ഉള്ളിൽ ഉണ്ടായപ്പോൾ തന്നെ ദൈവം തന്നതാ ഇവയെ ഞങ്ങൾക്കു. അത് എപ്പോളാണെന്നു ദൈവം തമ്പുരാന് മാത്രമേ അറിയൂ. പിന്നെ ജനിച്ച ദിവസം വെച്ച് ഒരു വർഷം എന്നു പറയുന്നു എന്നു മാത്രം. ഒത്തിരി നല്ല ഓർമകൾ ഉണ്ട് പുറകോട്ടു നോക്കുമ്പോൾ. കല്യാണം കഴിഞ്ഞു ഒരു 1 .25 വർഷം കഴിഞ്ഞു ആണ് ഞാൻ Pregnant ആകുന്നെ. കല്യാണം കഴിഞ്ഞു കുറച്ചു മാസങ്ങൾ കഴിയുമ്പോൾ തന്നെ ആൾക്കാർ ചോദിച്ചു തുടങ്ങും വിശേഷം ഇല്ലേ , ആയില്ലേ ..ഇവക്കുട്ടിയുടെ 2 അമ്മച്ചിമാരോടും ഉണ്ടായിരുന്നു ഈ ചോദ്യങ്ങൾ ഒക്കെ. ഞാൻ ആണേൽ തിരുവനന്തുപുരത്തു ആണ് അന്ന് ജോലി ചെയ്യുന്നേ, ഇവക്കുട്ടിയുടെ അപ്പ ആണേൽ ഇവിടെ മുവാറ്റുപുഴയിലും. അപ്പോളാണ് 3 മാസം കമ്പനിയിൽ നിന്നും Onsite കിട്ടി പുറത്തേക്കു പോകുന്നേ. 90 ദിവസങ്ങൾ എണ്ണി എണ്ണി കടന്നു പോയി . പിന്നെ നാട്ടിൽ എത്തിയപ്പോൾ വീണ്ടും വിശേഷം ആയില്ലേ എന്ന ചോദ്യങ്ങൾ കേട്ടു തുടങ്ങി . ആദ്യം ഒന്നു ഒരിടത്തു താമസിച്ചു തുടങ്ങട്ടെ എന്നു പറഞ്ഞു ചിരിച്ചങ്ങു വിടും എല്ലാരേം

ഈ ക്രിസ്മസ് ഞങ്ങൾക്കു പുതുമ നിറഞ്ഞതു ആണ്. ഞങ്ങളുടെ ഒപ്പം ഒരു കുട്ടി അതിഥി കൂടി ഉണ്ട് ഇത്തവണ ക്രിസ്മസിന്. "ഇവാ മരിയ ബിബിൻ ". ഞങ്ങളുടെ ഇവക്കുട്ടി. കുഞ്ഞൂസ് എന്നും ഞങ്ങൾ വിളിക്കും .. കുഞ്ഞൂസ് ഉണ്ടായതിനാൽ ആകും വേറിട്ട ക്രിസ്മസ് ചിന്തകൾ മനസ്സിൽ നിറയുന്നത്. ഒന്നാം ക്ലാസ് മുതൽ വേദപാഠക്ലാസ്സുകളിൽ പഠിച്ച , ബൈബിളിൽ വായിച്ചാ , പ്രസംഗങ്ങളിൽ കേട്ട കുറെ ക്രിസ്മസ് കഥകൾ ഉണ്ട് മനസ്സിൽ .. വി. ലുക്കാ 2 : 1 - 7 , അഗസ്റ്റസ് സീസറിന്റെ കല്പനപ്രകാരം ഗലീലിയായിലെ പട്ടണമായ നസ്രത്തിൽ നിന്നും മാതാവും യൗസേപ്പിതാവും കൂടി ബെത്ലെഹെമിലേക്കു യാത്ര പുറപ്പെടുന്നു. അവിടെ വെച്ച് മാതാവിന് പ്രസവ സമയം അടുത്തു. സത്രത്തിൽ ഇടം ലഭിക്കാത്തതിനാൽ ഒരു കാലിത്തൊഴുത്തിൽ പരി. അമ്മ യേശുവിനു ജന്മം നൽകി. പിള്ളക്കച്ച കൊണ്ട് പൊതിഞ്ഞു ഒരു പുൽത്തൊട്ടിയിൽ ഉണ്ണീശോയെ കിടത്തുന്നു. എല്ലാ ക്രിസ്മസിനും ഓർക്കാറുണ്ട് ഇതൊക്കെ എങ്കിലും ഇപ്പോളാണ് കുറെ കൂടെ ആഴത്തിൽ ഞാൻ ചിന്തിച്ചു തുടങ്ങിയത്. യാത്ര സൗകര്യങ്ങൾ ഒന്നും തന്നെ ഇല്ലാതിരുന്ന അക്കാലത്തു ആണ് പൂർണ ഗർഭിണിയായ മാതാവിനെയും കൊണ്ട് യൗസേപ്പിതാവ് ഒരു യാത്രക്ക് മുതിരുന്നത്. മാതാവ് ഒപ്പം പോകാൻ തയ്യാറാ